كنت عاوزة أضرب نفسي مليون جزمة».. حورية فرغلي تكشف ندمها على دور قدمته

 علّقت الفنانة حورية فرغلي على أزمة النجم أحمد السقا، قائلة: «دخل من هنا وطلع من هنا يا سقا، كلنا عارفين محمد صلاح، مش لازم نتكلم ونقول إحنا كلنا محمد صلاح، وياريت ما نقعدش نبص لبعض، أنا مش فاهمة ليه الناس بتتخانق، ده رقم واحد في الوطن العربي».وتابعت الفنانة حورية فرغلي، خلال مداخلة هاتفية في برنامج «تفاصيل» مع الإعلامية نهال طايل عبر قناة «صدى البلد 2»، أنها قدمت مع الفنان محمد رمضان فيلمي «قلب الأسد» و«عبده موته»، ومن وقتها لم تلتقِ به، لكنها سعيدة بما وصل إليه، موضحة: «رغم إني ما شاركتش بعد كده في أعمال معاه، ووقتها سألني البعض ليه ما شاركتش معاه في أي عمل، وردّيت إن ما كانش فيه أي دور يناسبني».وأشارت حورية فرغلي إلى أنه بعد فيلمي «القلب الأسد» و«عبده موته» لن تكرر تلك الأدوار، موضحة أن محمد رمضان بالنسبة لها مثل أي زميل آخر، مردفة أنها ندمت للغاية عن دورها في فيلم «استدعاء ولي عمرو»، معقبة: «ساعتها كان فيه مشاكل في البلد وضرب وحاجات كتير، وما كنتش ببص لنفسي خالص».تابعت: «الفيلم ده اتفرجت عليه من شهرين، وقمت كنت عايزة أضرب نفسي مليون جزمة إني عملته، لأن مناخيري كانت بايظة خالص وشكلي كان وحش جدًا، فقلت إزاي وافقت أطلع قدام الكاميرا بالمنظر ده؟ أنا باسيب نفسي للمخرج والماكيير وهو اللي يظبطو شكلي في الظهور، وما كانش ينفع يطلعوني بالشكل ده».