شقيق شيرين عبد الوهاب بعد خلافهما: «ورحمة أبويا لا هاقلب عليكم البلد»

كشف محمد عبد الوهاب، شقيق الفنانة شيرين عبد الوهاب، عن تفاصيل خلافهما الأخير ورد على الشائعات المثارة حول أزمتهما وأنه قام بتكسير منزلها، وغيرها من خلافات أخرى.وكتب محمد عبدالوهاب عبر «فيسبوك»: «وحق كتاب الله الكلام ده بالحرف حصل وربنا شاهد.. من حوالى شهر اتصالحنا وكان عندها ميتنج مع شركة عايزة تمضى معاها وكنا عند موزع شهير مش حابب اذكر اسماء حد بس هو موجود واحنا فى الميتنج واحد كده معرفوش قال لى عايز رقم حضرتك ده تبع المحامى قال لى أصل المدام كلمت الأستاذ واحنا داخلين وقالت لله بالحرف كده خرج اخويا من القضية ماحنا اتصالحنا بقى».وأضاف: «والله الكلمة كأنها قلم نزل على وشى خرج اخويا يعنى انا مش مدان ولا تربحت ومضيت عقد من وراكى لا ده انتى بتدخلينى وتخرجينى حسب مزاجك».وتابع: «بقى ورحمة أبويا لا هقلب عليكم البلد كلها وأنا بقى عندى إثبات بكل كلمة بحق ربنا، البلد فيها قانون، حسبى الله ونعم الوكيل».وجاء هذا المنشور فى ظل الجدل حول استخدام توكيل منتهى فى الأزمة القانونية، حيث أكد محاميه لاحقًا أن هناك حكمًا قضائيًا نهائيًا يثبت صحة العقد والتوكيل، وأن جميع الإجراءات القانونية سليمة، ما يضع حدًا لأى مزاعم حول صحة الإجراءات أو صحة موقفه القانونى.