كشف الفنان سعد
الصغير عن مفاجأة صادمة بشأن سيارة الفنان الراحل إسماعيل الليثي، والتي كان
بداخلها وقت الحادث سير مروع.
وعن سيارة
الليثي قال سعد الصغير في مقطع فيديو متداول عقب الجنازة: "العربية اللي عمل
إسماعيل الليثي الحادث بيها وتسببت في وفاته الله يرحمه، مش عربيته دي عربية كان
بيجربها وكان هيشتريها، ودلوقتي صاحبها عايز مليون و 800 ألف جنيه أسرته هتجيب
منين؟".
وتابع: حتى لو الراجل سامح في 400 ألف يعني كده أسرته عليها مليون
و400 ألف جنيه.. الراجل مات مديون واحنا إن شاء الله مش هنسيب أسرته وهنعمل جروب
واللي يقدر يساعد يساعد".
ورحل الفنان
إسماعيل الليثي عن عالمنا أول أمس الاثنين إثر تعرضه لحادث سير مروع على طريق
المنيا، ودخل في غيبوبة إلى أن فارق الحياة.
ومن المقرر أن
يقام العزاء اليوم الأربعاء، وقررت أسرة الراحل، إقامة العزاء، بجوار منزل العائلة
في منطقة أرض عزيز عزت.
نشر سعد الصغير
صورة جمعته بالراحل إسماعيل الليثي عبر حسابه على انستجرام ونعاه قائلا:
"ربنا يرحمك يا اسماعيل يارب كنت طيب وابن بلد وكنت في حالك يابني بس نصيبك
وانت هتبقى في مكان احسن والله ربنا كبير وعارف انك كنت راجل وجدع وطيب وبتحب ناس
كلها من المطربين الي كانت في حالها وفي شغلها طول عمرك كان قلبك طيب، اسماعيل كان
جميل كان دايما يكلمني وياخد رأيي في حاجات كثيره بس نصيبك ومش هتغلى علي ربنا
ربنا يرحمك يارب ياطيب بحبك ياصاحبي واخويا وابني في الجنه باذن الله".