ابنة شقيقة صباح تشكر الداخلية على الاستجابة لاستغاثتها

أعربت جانو فغالي، ابنة شقيقة الفنانة اللبنانية صباح، عن سعادتها بسرعة تحرّك وزارة الداخلية استجابةً لاستغاثتها، بعد أن ناشدت الجهات الأمنية مساعدتها في تجديد إقامتها داخل مصر، لعدم تمكنها من مرافقة زوجها إلى قسم الجوازات، بسبب تواجده بالمستشفى لتلقي العلاج من مرض السرطان.

وكتبت “جانو” عبر حسابها بموقع فيسبوك : "مساء الخير عايزة أشكر وزارة الداخلية اللي اتحركت على طول وكلموني النهاردا وجم المستشفى وجددولي الإقامة .. ناس في منتهى الذوق والأدب والمهنية وسرعة التصرف.. وعايزة اقول لكل اللي قالولي ما ينفعش يجولك المستشفى ممكن يجولك البيت إنما في المستشفى لأ كل الناس بتفتي من غير ما لكون عندها المعلومة كاملة".

وأضافت: "جددوا معلوماتكم الوزارة بتتحرك لأي حد وفي أي مكان ولأي سبب ..مش قادرة أصدق أن لسه ما عداش 24 ساعة على النداء اللي كتبته على الفيسبوك وكان الموضوع اتحل ..الف الف شكر.. شكرا لفخامة الرئيس السيسي وكل المعنيين في الامور دي انهم يسهلوا على الناس خصوصا في الحالات الخاصة”.

وتابعت: "شكرا ما عنديش كلام اقوله من تقدير واحترام لسرعة التصرف بجد .. الف الف شكر بجد حسستوني اني عندي اسرة كبيرة قوي واني مش لوحدي  . تحيا مصر مليون مرة  الف شكر بجد من قلبي  فرحتوني في وقت بقالي كتير بدور على الفرح ومش لاقياه  الحمد لله  دايما  شكرا  من قلبي"